Mediat greke kanë nxjerrë videon e vrasjes së bosit të nëntokës greke Vassilis Stefanakos, më datë 17 janar të këtij viti.

Vrasja e tij bëri bujë në Greqi nisur nga e shkuara e Stefanakosit, i cili një pjesë të mirë të jetës së tij e ka kaluar në burgje me një serë akuzash, siç është drejtimi i strukturave kriminale, vrasje, trafik armësh, trafik droge, etj.

Kamerat e sigurisë kanë fiksuar momentin e vrasjes në lagjen Haidari të Athinës.

Atentatorët, të cilët duket të jenë tejet profesionistë e kanë ndjekur prej kohësh objektivin e tyre dhe kanë ndërhyrë në momentin kur ai ka dalë pa badigardët e tij për t’ju drejtuar makinës së blinduar, përcjell Albeu.com.

Në momentin kur e kanë parë të dalë, njëri prej tyre ka zbritur nga motori dhe është drejtuar për tek viktima, ndërsa tjetri është afruar me motor për të marrë shokun e tij duke u larguar prej aty me shpejtësi. /albeu.com/